Friday, July 4, 2014

I want to purchase a rose for my mother - A family story in Hindi

Ek din ek aadmi ek phoolo ki dukaan par ruka aur phool wale se ek gulab ka guldasta mangne laga jo ki wo apni maa ke liye bhejna chahta tha jo us se 250 kilometers door ek chote se gaon me rehti thi. Jab wo phool khareed raha tha tab eka ek uski nazar dukaan ke bagal me baithi ek pyaari si choti bacchi par padi. Wo dukhi dikh rahi thi to aadmi se raha nahi gaya usne bacchi se poocha "beta aap dukhi kyu ho, koi paresani hai kya?". Bacchi ne jawab diya "mujhe apni maa ke liye ek gulab ka phool khareedna hai". To aadmi ne kaha "to isme paresani kya hai, kya aapke paas paise nahi hai?".

Bacchi ne jawab diya, "mere paas 2 rupay hai jabki ek gulab ka phool 5 rupay ka hai".

Aadmi bacchi ki baat sun kar muskuraya aur us bacchi se bola ki aap mere sath aao aur use phool ki dukan par le gaya. Waha usne apna gulab ka guldasta khareeda aur bacchi ko bhi ek gulab ka phool dila diya. Bacchi gulab ka phool dekh kar bahut khush hui aur usne us aadmi ka shukriyada kiya.

Jab wo dono waha se jane lage to aadmi ne bacchi se poocha kya mai aapko aapke ghar tak chor du. Bacchi ne kaha ghar tak to nahi par mujhe ishi rastey par thodi door jana hai, aur wo chalne ke liye tayar ho gayi. Wo dono thode door chale hi the ki bacchi ne us aadmi ko gadi rokne ko kaha, wo sunsaan si jagah thi aur waha bagal me ek kabristaan bhi tha. Aadmi ne hairan hokar bacchi se poocha beta aap yaha kaha ja rahi ho ?.

To bacchi ne jawab diya apni maa ko phool dene aur bacchi gadi se utar gayi. Aadmi gadi me baithe bacchi ko dekhta raha, wo ek kabar ke paas pahuchi jo ki mushkil se ek ya do din purani lag rahi thi. Phir bacchi ne us par wo gulaab raka aur apni maa ko "i miss u" aur "I love you" kaha. Ye sab dekh kar aadmi ki aankhein bhar aayi aur usne apni maa ko wo guldasta bhejne ka faisla badla aur wo waha se khud guldasta lekar 250 km ka fasla tay kar ke apni maa ko milney ke liye nikal gaya.
Moral: Zindagi kafi choti hoti hai ! Aap apna jyada se jyada samay un logon ke saath bitayen jo aapse pyaar karte hai aur aapki chinta karte.