Saturday, June 28, 2014

A Sad Love Story Of A Muslim Girl And A Boy Mad in Love in Hindi


Ye kahani hai ek Muslim ladki aur ek deewane aashiq ki.
Ek mahaulle me ek Muslim ladki raha karti thi, kyuki ladki
Muslim thi to wo jyadatar burkhe me hi rehti thi, lekin jo bhi
log use jante the bas uski khoobsurati ki tareef kiya karte.

Ushi mahulle me ek ladka bhi raha karta tha, waise to kabhi
us ladke ne us ladki ki taraf gaur nahi kiya tha lekin kyuki uske
sabhi dost us ladki ki khoobsoorati ki tareef kiya karte the to ek
din uske dil me bhi us ladki k liye kuch halchal hui. Aur agle hi din
se us ladke ne use paane ke liye us ladki ka peecha karna suru kar
diya. Kyuki ladke ka ghar ladki ki gali me hi padta tha to jab bhi wo
ladki us gali se nikalti ladka bas uska intezaar karta or jaise hi wo uske
saame aati wo ek line kehta
 "Aye parda nasheen parda utha, meri mohabbat kabul kar jalwa dikha"
Ladki use undekha kar kar chali jaya karti aur ladka mayush ho jata.
Lekin ladke ne bhi thaan rakha tha ki wo ladki ka deedar kar ke hi
rahega or use apna bana lega. Agle din jab wo ladki fir se uski gali
se nikali ladke ne dobara se wahi line dohrayi
"Aye parda nashin parda utha, meri mohabbat kabul kar jalwa dikha"
Ladki fir use nakaar kar chali gayi, lekin jab bhi ladki use nakarti ladke
ka pyar or pagalpan us ladki ke liye or badh jata. Aise karte karte waqt
guzarta gaya roz ladka us ladki se wahi liney dohrata or ladki use
unsuna kar ke chali jati. Ladka kafi mayush ho gaya or ek din
jab ladki uski gali se nikali usne fir wahi lines dohrayi
"Aye parda nashin parda utha, meri mohabbat kabul kar jalwa dikha"
or sath hi ye bhi kaha ki
"Agar tune jalwa nahi dikhaya to mai khudkhusi kar lunga"
Lekin ladki fir use unsuna karke chali gayi.
Agali subah jab ladki fir us gali se nikali to wo ladka waha nahi tha,
ladki soch me pad gayi ki aakhir aaj wo aashiq gaya kaha. Pichle teem
mahino se to roz yaha mera intezaar karta tha. Aakhir kar ladki ka dil
nahi mana or usne pass khade logon se poocha ki wo ladka jo yaha
baitha rehta tha kaha gaya ?, to logon ne use bataya ki usne kal
khudkhusi kar li. Ye sunkar ladki ke pairon tale zameen khisak gayi,
use bada afsos hua aur wo dukhi man or aankhon me aansu liye ladke
ki kabar par pahuchi. Kabar par pahuch kar usne uski kabar par ek
gulab ka phool rakha or apne chehre par se parda utha kar kehne lagi

"Aye mere gumnaam aashiq, aayi hoon teri mazar par,
Aye mere gumnaam aashiq, aayi hoon teri mazar par, 
Le rukh se naqab hata diya jee bhar ke mera deedar kar,
Charon taraf sannata chaya hua tha aur hawa bhi bahut dheere
chal rahi thi ki tabhi kabar se awaaz aayi ........
Ya khuda ye kaisa tera insaaf hai,
Ya khuda ye kaisa tera insaaf hai,
Aaj mai parde mein hu or wo benaqab hai !