Saturday, June 28, 2014

Never Demand In Love - A Sad Love Story In Hindi

Ek ladka or ladki ek dusre se bahut pyar karte the,
Aur jaldi hi shadi karne ki soch raha the, lekin ladka
ladki ko specially shaadi ke liye propose karna chahta
tha or use special feel karana chahta tha. Iske liye wo
planning kar raha tha. Jabki dusri taraf ladki bhi chahti
thi ki use uska boyfriend shaadi ke liye propose kare
or use gift me ek ring de. Kuch dino baad aakhir kar wo
din aa hi gaya ladke ne ladki ko ek acchi si jagah par
bulaya usne poori tayari ki hui thi. Fir ladke ne ladki ko
ek teddy bear gift kiya or use propose kiya
"Will you marry me ?"
Lekin ladki to suru se ye chahti thi ki uska boyfriend use
ek ring de or kai baar usne isharo me use ye samjhana
bhi chaha tha ki wo kya chahati hai. Aur apne boyfriend
ki is nasamjhi par use bahut gussa aaya or usne gusse me
teddy bear ko zor se feka.Teddy bear road par ja gira aur
us teddy bear ko uthane ke liye uska boyfriend us teddy
bear ki taraf bhaga (aakhir bhagta bhi kyu nahi wo itne pyaar
se jo laya tha apni hone wali wife ke liye) or tabhi ek truck ne
use takkar mar di, takkar lagte hi ladke ki maut ho gayi. Ye dekh
kar ladki uski taraf bhagi lekin tab tak bahut der ho chuki thi,
tabhi ladki ki nazar bagal me pade teddy bear par padi wo
use utha kar apne seene se laga kar foot foot kar rone
lagi.

Tabhi teddy bear se awaaj aayi
" I Love You Beautiful, Ring meri pocket
me hai. Will you marry me ?"
Us recorded awaaj ko sun kar ladki ko apni galati ka
ehsaas hua, lekin ab wo kuch nahi kar sakti thi. Usne ek pal me apni
nadani ki wajah se apna sara jahan kho diya.
Apno se pyaar karne walon par hume humesha bharosa rakhna chahiye kyuki wo hume humse behtar samajhte hai.