Sunday, June 29, 2014

Kill Ego And Save Love - An Inspirational Story In Hindi


Kafi samay pehle ek tapu hua karta tha jaha par sari feelings raha karti thi. Sabhi feelings kafi khus thi or bina kisi paresani ke wo sab acche se mil jul kar reh rahi thi. Lekin ek din samudra me bahut tez tufaan aaya, lehre kafi uchi uthne lagi sath hi tez baarish bhi hone lagi. Toofan itna tez tha ki sab ped ek ek karke ukhadne lage. Aur dekhte hi dekhte tapu doobne laga. Ye dekh kar sari feelings kafi dar gayi or sochne lagi ki ab hum me se koi nahi bachega.

Lekin tabhi LOVE waha ek Nao(boat) bana ke laya taki sabki jaan bach sake, ye dekh kar sabhi feelings ko thodi rahat mili. LOVE ne sabko nao par chadhne ko kaha. Sari feelings LOVE ki baat maan kar boat par chadh gayi lekin ek feelings nao par nahi chadhi. LOVE nao se neeche utara or dekne laga ki wo kaun si feeling hai. LOVE jaise hi kuch door chala hi tha ki usne ek feeling ko ek kone me khada dekha, wo EGO tha. LOVE ne use chalne ko kaha lekin EGO chalne ko tayar nahi hua.

Pani ka level lagatar badhta hi ja raha tha aur ye dekh kar sabhi feelings LOVE ko awaaz dene lagi ki, EGO ko chodo or tum naao par chadh jao. Par LOVE kaha man ne wala tha LOVE to aakhir LOVE karne ke liye hi bana tha. To wo apni aakhiri saans tak EGO ko bachane me laga raha. Aur aunt me poora tapu doob gaya sath me LOVE aur EGO bhi doob gaye. Dono ki maut ho gayi lekin sabhi feelings bach gayi. Love ko bhi EGO ki wajah se marna pada.
Isliye hamesha EGO ko chod kar hume Pyaar bantna chahiye. Ego khud ka to nuksaan karti hi hai sath me hume pyaar karne walon ko bhi dukh pahuchati hai.